प्रधानमन्त्री ओलीले एमालेको सभालाई दिउँसो १ः३० बजे सम्बोधन गर्नुहुने

काठमाडौँ। सत्तारुढ नेकपा (एमाले)ले काठमाडौँको दरबारमार्गमा आज सभा गर्दैछ । सभालाई दिउँसो साढे एक बजे प्रधानमन्त्री एवम् नेकपा (एमाले)का अध्यक्ष केपी शर्मा ओलीले सम्बोधन गर्नुहुनेछ ।

सभाअघि एमालेले काठमाडौँको भद्रकालीबाट र्‍याली निकाल्ने जनाएको छ । र्‍याली सुन्धारा, रत्नपार्क हुँदै दरबारमार्ग पुगेर सभामा परिणत हुने र यो सभालाई एमालेले ‘जागरण सभा’ नाम दिएको छ ।

प्रकाशित मिति : ७ मंसिर २०८१, शुक्रबार  १० : ५२ बजे