सुर्खेत । सुर्खेत–दैलेख सीमास्थित वीरेन्द्रनगर नगरपालिका–१४, को रातानाङ्ला नजिक भएको फोर्स गाडी दुर्घटनामा परी चार जनाको मृत्यु भएको छ ।
आज दिउँसो साढे २ बजेको समयमा दैलेख बजारबाट सुर्खेततर्फ आउँदै गरेको कर्णाली प्रदेश ०२००१ ख ०९९८ नम्बरको फोर्स गाडी अनियन्त्रित भई दुर्घटना हुँदा चार जनाको मृत्यु हुनुका साथै ३० जना घाइते भएका छन् ।
प्रहरीका अनुसार मृतकको पहिचान अझै खुल्न सकेको छैन ।
चौँतीस जना सवार उक्त गाडी सडकभन्दा झण्डै दुई सय मिटर तल खसेको जिल्ला प्रहरी कार्यालय सुर्खेतका सूचना अधिकारी (डीएसपी ) वीरेन्द्रवीर विश्वकर्माले जानकारी दिनु भयो । उहाँका अनुसार ३ जनाको अवस्था गम्भीर रहेको छ ।
प्रकाशित मिति : २३ कार्तिक २०८१, शुक्रबार ६ : ४५ बजे
प्रतिक्रिया