रुकुम पश्चिम । बाँकेको नेपालगञ्जबाट रुकुम पश्चिमको चौरजहारी आउँदै गरेको यात्रुवहाक फोर्स गाडी सल्यानमा दुर्घटना भएको छ ।
लु २ ख ५००२ नम्वरको फोर्स गाडी सल्यानको कुमाख गाउँपालिका १ बुरेलीखोलामा दुर्घटना हुँदा १६ जना यात्रु घाइते भएका छन् । ईलाका प्रहरी कार्यालय रागेचौरका प्रहरी निरीक्षक धर्मेन्द्र खड्काका अनुसार बिहिबार बिहान ४ बजे गाडी दुर्घटना भएको हो ।
दुर्घटनामा परेर १६ जना घाइते भएको प्रहरी निरीक्षक खड्काले जानकारी दिनुभयो । घाइते मध्ये चारजनाको अवस्था गम्भीर रहेको र १२ जना सामान्य रहेको उहाँले जनाउनुभयो । सबै घाइतेहरुको उद्धार गरेर उपचारका लागि चौरजहारी अस्पताल ल्याइएको छ ।
ब्रेक फेल भएको कारण गाडी दुर्घटना भएको बताइएको छ । घटनाको पूरा विवरण आउन बाँकी रहेको छ ।
प्रकाशित मिति : २४ आश्विन २०८१, बिहिबार ८ : २३ बजे
प्रतिक्रिया