काठमाडौं – नेपालमा आज थप ९ हजार ३०५ जनामा कोरोनाको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा २० हजार ३६२ वटा पीसीआर र ४२४ वटा एन्टीजेन नमुना परीक्षण गर्दा ९ हजार ३०५ जनामा सङ्क्रमणको पुष्टि भएको छ ।
आज काठमाडौं उपत्यकामा ३ हजार ९२४ जना संक्रमित थपिएका छन् ।
देशभरबाट गत २४ घण्टामा ४ हजार ४४४ जना संक्रमित निको भएर डिस्चार्ज भएका छन् । नेपालमा कोरोना संक्रमितहरुको निको हुने दर ७४.९ प्रतिशत छ । हाल देशभर १ लाख १ हजार ६३४ जना सक्रिय संक्रमित रहेका छन् ।
मन्त्रालय अनुसार बुधबार एकैदिनमा १६८ जनाको कोरोना संक्रमणका कारण मृत्यु भएको छ ।
प्रकाशित मिति : २९ बैशाख २०७८, बुधबार ४ : ४३ बजे
प्रतिक्रिया