गण्डकी। जिल्ला प्रहरी कार्यालय कास्की र जिल्ला ट्राफिक प्रहरी कार्यालय कास्कीबाट खटिएको संयुक्त प्रहरी टोलीले आज पोखराका विभिन्न क्षेत्रमा चल्ने दुई सय २३ वटा स्कुल बसमा जाँच गरेको छ ।
जाँचका क्रममा सिट क्षमताभन्दा बढी विद्यार्थी बोकेका १७ वटा बसलाई ट्राफिक नियमअनुसार कारबाही गरिएको जिल्ला प्रहरी कार्यालय कास्कीका सूचना अधिकारी प्रहरी नायब उपरीक्षक वसन्तकुमार शर्माले जानकारी दिनुुभयो ।
जाँचका क्रममा सम्पूर्ण चालकलाई ट्राफिक नियम उल्लंघनगरी सवारी नचलाउन सम्झाइबुझाइ गरिएको उहाँले बताउनुुभयो ।
प्रकाशित मिति : ११ भाद्र २०८१, मंगलबार ९ : २२ बजे
प्रतिक्रिया