मकवानपुर। मनहरी गाउँपालिका–६ प्रतापुरमा एक जंगली बाघ मृत अवस्थामा फेला परेको छ। आज (बिहीबार) बिहान करिब ३ : १५ बजे स्थानीय बल बहादुर राईको गोठमा यो घटना भएको इलाका प्रहरी कार्यालय मनहरीले जनाएको छ।
प्रहरीका अनुसार प्रारम्भिक अनुसन्धानमा बाघ वृद्ध अवस्थाको रहेको र भैँसीसँगको सङ्घर्षमा त्यसको मृत्यु भएको हुनसक्ने अनुमान गरिएको छ।
घटनास्थल चितवन राष्ट्रिय निकुञ्जको क्षेत्रभित्र पर्ने भएकाले आज बिहान करिब ६ : १५ बजे निकुञ्ज सुरक्षार्थ खटिएको नेपाली सेनाको टोलीले मृत बाघलाई आफ्नो नियन्त्रणमा लिएको छ।
प्रहरीले घटनाको थप अनुसन्धान भइरहेको प्रहरीले जनाएको छ। यस घटनाले वन्यजन्तु र मानव बस्तीबिचको द्वन्द्वको जोखिम बढाएको छ।
प्रकाशित मिति : ६ भाद्र २०८१, बिहिबार ८ : ५३ बजे
प्रतिक्रिया