चितवन । नेकपा एमालेका अध्यक्ष केपीशर्माओलीले प्रतिकृयावादीको षड्यन्त्रका कारण आफ्नो पार्टी प्रतिपक्षमा पुगेको बताउनुभएको छ । १०औं महाधिवेशनको बन्द सत्रमा बोल्नुहुँदै ओलीले यही कारण देशमा यतिवेला गम्भीर चुनौती खडा भएको बताउनुभयो ।
राज्य संयन्त्रको अनुचित दुरुपयोग भइरहेको भन्दै उहाँले स्वतन्त्र न्यायालयकोसमेत दुरुपयोग भएको बताउनुभयो ।
शक्तिपृथकीकरणको सिद्धान्त खलबलिदै गएको भन्दै यो क्रम अघि वढे लोकतन्त्रका लागि खतरा हुने बताउनुभयो ।
जनादेशको कारण र कार्यअसफलतको कारण आफ्नो सरकार नढलेको बताउनहुुँदै उहाँले षडयन्त्रपूर्ण तरिकाबाट आफ्नो सरकार हटाइएको बताउनुभयो । एमाले यस्तो अवस्थामा गम्भीर भएर बन्द सत्रमा भेला भएको उहाँले बताउनुभयो ।
प्रकाशित मिति : ११ मंसिर २०७८, शनिबार ५ : १८ बजे
प्रतिक्रिया