झापा । एमाले अध्यक्ष केपी ओली तीन दिने झापामा भ्रमणमा हुनुहुन्छ । आइतबार बिहान काठमाडौंबाट झापा आइपुग्नुभएका उहाँले पारिवारिक र छिमेकीसँग भेटघाट गर्नुभएको छ ।
झापाको भद्रपुर–१ स्थित पृथ्वीनगरमा ९३ वर्षीय बुबा मोहन ओलीलाई भेट्न पुग्नुभएका उहाँले सो क्रममा भाइ, भाइबुहारीसहित छिमेकीसँग पनि भेटघाट गर्नुभएको छ ।
छिमेकी मन्दिरा कोइरालाले ओली आउँदा भेट हुने र आफूहरूको गुनासो सुन्ने गरेको बताउनुभयो ।
अर्की छिमेकी कुमारी लिम्बूले ओलीलाई मास्क खोल्न लगाउनुभयो । लिम्बूले मास्क खोल्न भनेपछि ओलीले खोल्नुभएको थियो । त्यसपछि उहाँसँग ओलीले फोटो पनि खिच्नुभयो ।
सोही क्रममा कलाकार विल्सन विक्रम राई ओलीलाई भेट्न पृथ्वीनगर पुग्नुभएको थियो । उहाँले पनि ओलीसँग तस्बिर खिच्नुभयो ।
प्रकाशित मिति : ७ कार्तिक २०७८, आइतबार २ : ४७ बजे
प्रतिक्रिया