नदीमा फसेका श्रीमान् श्रीमतीको सकुशल उद्धार

कैलाली – कैलालीमा बाढीले गर्दा नदीका बीच टापुमा फसेका दुईजनाको हिजो सकुशल उद्धार गरिएको छ ।

गोदावरी नगरपालिका–८ स्याउलेस्थित खुटिया खोलामा बालुवा, ढुङ्गा निकाल्न गएका सोही नगरपालिका–९ बल्मीका मानबहादुर थापा र निजकी श्रीमती रेबु थापालाई सकुशल उद्धार गरिएको जिल्ला प्रहरी कार्यालय कैलालीका प्रहरी नायब उपरीक्षक प्रतीक विष्टले जानकारी दिनुभयो ।

    बाढी आई नदीको बीच टापुमा फसेको थापा दम्पतीको इलाका प्रहरी कार्यालय मालाखेती र सशस्त्र प्रहरी बल नं ४७ गण बनबेहडाबाट संयुक्तरूपमा प्रहरी टोली खटीई सकुशल उद्धार गरिएको बताइएको छ ।

रासस

प्रकाशित मिति : २ कार्तिक २०७८, मंगलबार  ६ : ५५ बजे