सल्यान । कोरोना संक्रमणबाट सल्यानमा थप दुई जनाको मृत्यु भएको छ ।
जिल्ला अस्पताल सल्यानमा उपचारको क्रममा थप दुई जना कोरोना संक्रमितको मृत्यु भएको हो ।
बागचौर नगरपालिका वडा न २ चिल्ढाले निवासी ५२ वर्षीया महिलाको बुधबार विहान मृत्यु भएको छ ।
मंगलबार दिउँसो टाउको दुख्ने ज्वरो आउने भएपछि अस्पताल ल्याइएकी उनको चेकजाँच गर्दा कोरोनना पोजेटिभ देखिएको थियो । संक्रमितको अस्पतालको आइसोलेशनमा उपचारकै क्रममा आज बिहान ७ः४० मा मृत्यु भएको जिल्ला अस्पताल सल्यानले जनाएको छ ।
यस्तै शारदा नगरपालिका १ श्रीनगरका ७४ वर्षीय पुरुष मंगलबार राती मृत्यु भएको छ ।
खोकी र श्वास फेर्न गाह्रो भएपछि १६ गते राती अस्पताल भर्ना भएका संक्रमितको कोभिडका कारण निमोनिया भई मंगलबार राती मृत्यु भएको हो ।
यससँगै सल्यानमा कोरोनाबाट मृत्यु हुनेको संख्या ८ पुगेको छ
प्रकाशित मिति : २२ बैशाख २०७८, बुधबार ९ : ०७ बजे
प्रतिक्रिया