काठमाडौं । हास्यकलाकार रमेश केसी उर्फ मट्टारेको निधन भएको छ । मट्टारे उपनामले चर्चित ६९ वर्षीय कलाकार केसीको आइतबार निधन भएको सामाजिक सञ्जालमार्फत् नेपाल चलचित्र कलाकार संघका अध्यक्ष रविन्द्र खडकाले बताएका छन्।
‘हर्के हवल्दार’को टिमले बनाउन लागेको एउटा भिडिओ छायांकनका लागि छन्दे स्टुडियो तारकेश्वर नगरपालिका, महाँकालमा पुगेका थिए। छायांकन स्थलमा अचानक बेहोस भएका उनलाई गंगालाल हृदयरोग केन्द्र लगिएको थियो। अस्पताल पुर्याइए लगत्तै उनलाई मृत घोषित गरिएको थियो। उनलाई लामो समयदेखि मुटुसम्बन्धी रोगले सताएको थियो।
आफ्नै बाइकमा छायांकन स्थल पुगेर टिमसँग बसेर चिया खाँदै गर्दा उनी एक्कासी ढलेका थिए । ६९ वर्षको उमेरमा संसार त्यागेका उनको पार्थिब शरीरलाई आज दिउँसो १ बजेदेखि २ बजेसम्म आर्टघाटमा अन्तिम श्रद्धाञ्जलीका लागि राखिएको थियो।
प्रकाशित मिति : ३ आश्विन २०७८, आइतबार ७ : ४९ बजे
प्रतिक्रिया