बर्दिया । बर्दियामा बँदेललाई मार्न राखेको विद्युतीय करेन्टको पासोमा परेर एकै परिवारका तीन जनाको ज्यान गएको छ ।
बँदेल मार्नका लागि राखेको करेन्टको पासोमा परेर बर्दिया स्थीत ठाकुरबाबा नगरपालिका –३ का ३१ वर्षका बालकृष्ण थारु, उहाँकी श्रीमती २७ वर्षकी सुनिता थारु र बालकृष्णकी भाउजु ४३ वर्षकी बेलमती थारुको ज्यान गएको हो।
शुक्रबार राति करिब १०ः३० बजेको समयमा उक्त घटना घटेको प्रहरीको भनाई छ । इलाका प्रहरी कार्यालय भुरिगाउँका प्रहरी निरीक्षक कविराज रोकायाले घटनाबारे थप अनुसन्धान भइरहेको जानकारी दिनुभयो । बँदेल मार्नका लागि ठाकुरबाबा नगरपालिका बस्ने ८३ वर्षका राजबहादुर शाहीले आफनै खेतमा विधुतिय पासो लगाएको प्रहरीले जनाएको छ ।
प्रकाशित मिति : २ आश्विन २०७८, शनिबार ९ : ५१ बजे
प्रतिक्रिया