काठमाडौं – पछिल्लो २४ घण्टामा थप १ हजार २७१ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालय अनुसार गत २४ घण्टामा ११ हजार ९४४ जनाको एन्टीजेन र पिसिआर परीक्षण गर्दा १ हजार २७१ जनामा कोरोना भाइरसको संक्रमण पुष्टि भएको हो । उक्त अवधिमा थप १ हजार ८४५ जना संक्रमित उपचार पश्चात निको भई घर फर्किसकेका छन् ।
हाल देशभर कोरोना भाइरसका सक्रिय संक्रमितहरुको संख्या २८ हजार ६७८ रहेको छ ।
पछिल्लो २४ घन्टामा कोरोना संक्रमणकै कारण थप १४ जनाको मृत्यु भएको छ । हालसम्म देशभर कुल १० हजार ९०३ जनाको कोरोनाबाट मृत्यु भइसकेको छ।
प्रकाशित मिति : २४ भाद्र २०७८, बिहिबार ४ : ४० बजे
प्रतिक्रिया