थप २ हजार २९५ जनामा कोरोना सङ्क्रमण पुष्टि, १६ को मृत्यु

काठमाडौं –  पछिल्लो २४ घण्टामा थप २ हजार २९५ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालय अनुसार गत २४ घण्टामा १६ हजार २३३ जनाको एन्टीजेन र पिसिआर परीक्षण गर्दा २ हजार २९५ जनामा कोरोना भाइरसको संक्रमण पुष्टि भएको हो । उक्त  अवधिमा थप १ हजार ८०८ जना संक्रमित उपचार पश्चात निको भई घर फर्किसकेका छन् ।

हाल देशभर कोरोना भाइरसका सक्रिय संक्रमितहरुको संख्या ३५ हजार ८७४ रहेको छ ।

पछिल्लो २४ घन्टामा कोरोना संक्रमणकै कारण थप १६ जनाको मृत्यु भएको छ ।  हालसम्म देशभर कुल १० हजार ७३०  जनाको  कोरोनाबाट मृत्यु भइसकेको छ।

प्रकाशित मिति : १४ भाद्र २०७८, सोमबार  ४ : ३५ बजे