थप २ हजार ५२५ जनामा कोरोना सङ्क्रमण पुष्टि, ३५ को मृत्यु

काठमाडौं –  पछिल्लो २४ घण्टामा थप २ हजार ५२५ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालय अनुसार गत २४ घण्टामा १४ हजार ८१० जनाको एन्टीजेन र पिसिआर परीक्षण गर्दा २ हजार ५२५ जनामा कोरोना भाइरसको संक्रमण पुष्टि भएको हो । उक्त  अवधिमा थप २ हजार ८६ जना संक्रमित उपचार पश्चात निको भई घर फर्किसकेका छन् ।

हाल देशभर कोरोना भाइरसका सक्रिय संक्रमितहरुको संख्या ३८ हजार २५० रहेको छ ।

पछिल्लो २४ घन्टामा कोरोना संक्रमणकै कारण थप ३५ जनाको मृत्यु भएको छ ।  हालसम्म देशभर कुल १० हजार ५६८ जनाको  कोरोनाबाट मृत्यु भइसकेको छ।

प्रकाशित मिति : ८ भाद्र २०७८, मंगलबार  ५ : १६ बजे