काठमाडौं । राष्ट्रिय सभा सदस्य कोमल वलीले जयसिंह धामी मृत्यु प्रकरणमा भारतसँग कुरा गर्न सरकारको ध्यानाकर्षण गराउनु भएको छ । सोमबार बसेको राष्ट्रिय सभा बैठकमा गृहमन्त्री बालकृष्ण खाणलाई प्रश्न गर्ने क्रममा एमाले सांसद् वलीले भन्नुभयो,‘ नेपाली युवा जयसिंह धामीले तुइन तर्न एक मिटर मात्रै बाँकी हुँदा एसएसबीले काटेको कुरा आइसकेको छ, प्रत्यक्षदर्शीले पनि यो कुरा भनिसकेका छन्, एसएसबीले तुइन काटेपछि नेपाली युवा बेपत्ता भएको कुरा छर्लंग भइसकेको छ, यो जति भर्त्सना गरे पनि कम हुन्छ, मानवताविरोधी र क्रुर अनि लज्जास्पद पनि छ ।’
समिति बनाएर मात्र सरकार उम्कन नमिल्ने भन्दै उहाँले यसबारे सरकारले भारतसँग कुरा गर्न आग्रह गर्नुभयो । ‘नेपाल सरकारले समिति मात्रै बनाएर बस्ने हिम्मत बनाएर भारतलाई सोध्ने पनि, कि यो सरकारले भारत सरकारसँग कम्फर्टेबल बनाउन खोजेको हो ?वलीको प्रश्न थियो ।
प्रकाशित मिति : १८ श्रावण २०७८, सोमबार २ : ३७ बजे
प्रतिक्रिया