काठमाडौं । प्रधानमन्त्री केपी शर्मा ओली आज नेपाल र भारतबीच हुने काभा महिला भलिबल लिगको फाइलन खेल हेर्न राष्ट्रिय खेलकुद परिषद् (राखेप) को कभर्डहल त्रिपुरेश्वर जानुहुने भएको छ ।
फाइनल खेलमा खेलाडीको मनोबल बढाउन प्रधानमन्त्री ओली सहभागी हुनुहुने उहाँको सचिवालयले जनाएको छ ।
नेपाल र भारतबीचको फाइनल खेल साँझ ५ बजेदेखि त्रिपुरेश्वरस्थित राखेपको कभर्डहलमा सुरु हुनेछ ।
हिजो मंगलबार सम्पन्न सेमिफाइनल खेलमा नेपालले इरानलाई सोझो सेटमा ३-० ले पराजित गर्दै फाइनलमा स्थान बनाएको थियो ।
त्यस्तै, पहिलो सेमिफाइनलमा भारतले श्रीलंकालाई ३-० ले पराजित गरेको थियो ।
लिग चरणमा नेपालले भारतलाई पराजित गरिसकेको हुनाले आज फाइनलमा नेपाल उच्च मनोबलका साथ खेल्दै छ ।
प्रकाशित मिति : २३ श्रावण २०८१, बुधबार १० : १८ बजे
प्रतिक्रिया