बेइजिङ । दक्षिणपश्चिम चीनमा गएको पहिरोका कारण राजमार्गको पुल भत्किँदा कम्तीमा पाँच जना बेपत्ता भएको अधिकारीहरूले शनिबार बताएका छन् ।
सिचुआन प्रान्तको स्थानीय सरकारले काङडिङ र लुडिङबिचको राजमार्गमा दुईवटा सुरुङ जोड्ने पुल पहिरोका कारण भत्केको बताइएको छ ।
बिहान ११ बजेसम्म छ जना सवार तीनवटा गाडीहरू सडकबाट खसेको अधिकारीहरूले पुष्टि गरेका थिए जसमध्ये एक व्यक्तिको उद्धार गरिएको छ र पाँच बेपत्ता छन्”, सरकारले एक सामाजिक सञ्जालमार्फत जनाएको छ ।
“हाल उद्धारकर्ताहरू घटनास्थलमा खटिएका छन्”, विज्ञप्तिमा भनिएको छ।
गत महिना उत्तरी साङ्सी प्रान्तको राजमार्गमा पुल खस्दा ज्यान गुमाउनेको संख्या १२ बाट बढेर ३८ पुगेको र २४ जना अझै बेपत्ता रहेको राज्य सञ्चार माध्यमले शुक्रबार जनाएको हो ।
मे महिनामा दक्षिणी चीनमा लगातारको वर्षापछि एउटा राजमार्गको पुल भत्किँदा ४८ जनाको मृत्यु भएको थियो ।
प्रकाशित मिति : १९ श्रावण २०८१, शनिबार ३ : ४४ बजे
प्रतिक्रिया