मकवानपुर । मकवानपुरमा निषेधाज्ञाको अवधि १० दिन थप गरी असार ३१ गतेसम्म पुर्याइएको छ ।
तोकिएको पसल र यातायात मात्र सञ्चालन गर्न पाइने गरी १० दिन निषेधाज्ञा थप गरिएको हो ।
आइतबार जिल्ला प्रशासन कार्यालयमा बसेको जिल्ला सङ्कट व्यवस्थापन केन्द्रको बैठकले निषेधाज्ञा थप गर्ने सिफारिस गरेको थियो ।
जिल्ला प्रशासन कार्यालयले जिल्लामा कोरोनाको महामारी अझै पनि कम नभएको भन्दै सोही सिफारिसका आधारमा निषेधाज्ञा थप गर्ने निर्णय गरिएको जनाएको छ ।
प्रमुख जिल्ला अधिकारी भरतमणि पाण्डेका अनुसार आज असार २१ गते राति १२ः०० बजेदेखि असार ३१ गते बिहीबार राति बजेसम्म थप १० दिन निषेधाज्ञा थप्ने निर्णय गरिएको हो ।
तोकिएका व्यवसाय र क्षेत्र साबिक अनुसार नै सञ्चालन हुने तथा तोकिएको यातायात मात्र सञ्चालन गर्न पाइने गरी यसअघिको निषेधाज्ञाको निर्णय अनुसारै निषेधाज्ञा थप भएको प्रमुख जिल्ला अधिकारी पाण्डेले बताउनुभयो ।
मकवानपुरमा जारी निषेधाज्ञामा यस अघि निजी सवारी जोर बिजोर अनुसार चल्न पाउने तथा तोकिएको व्यवसाय पालै पालो सञ्चालन गर्न पाइने गरी निषेधाज्ञा जारी भएको थियो ।
प्रकाशित मिति : २१ असार २०७८, सोमबार ९ : १७ बजे
प्रतिक्रिया