डिजिटल माध्यमबाट बधाई दिन प्रधानमन्त्री ओलीको अनुरोध

काठमाडौं। प्रधानमन्त्री केपी शर्मा ओलीले आफूलाई प्रत्यक्ष भेटेरभन्दा डिजिटल माध्यमबाट बधाई तथा शुभकामना दिन शुभेच्छुकहरुलाई अनुरोध गर्नुभएको छ ।

प्रधानमन्त्री निवास बालुवाटारमा बधाई तथा शुभकामना दिनेहरुको भीड बढेपछि उहाँले यस्तो अनुरोध गर्नुभएको हो । प्रधानमन्त्री ओलीले सकेसम्म म्यासेन्जरबाट शुभकामना सन्देश पठाउन र भेटमा खादा मालाको प्रयोग नगर्न पनि अनुरोध गर्नुभएको छ ।

‘शुभ प्रभात, विभिन्न माध्यमबाट शुभकामना र बधाईका सन्देश आइरहेका छन् । प्रत्यक्ष भेटेरभन्दा डिजिटल माध्यमबाट शुभकामना, बधाई दिँदा साथीहरुको समयको पनि बचत हुन्छ । शुभेच्छुक सबैलाई सकेसम्म म्यासेन्जरबाट सन्देश पठाउन र भेटमा पनि खादा र माला प्रयोग नगर्न अनुरोध गर्छु ।’ प्रधानमन्त्री ओलीले बुधबार बिहान फेसबुकमा लेख्नुभएको छ ।

प्रकाशित मिति : २ श्रावण २०८१, बुधबार  ८ : ४८ बजे