काठमाडौँ, । नेकपा (एमाले)का निर्वाचन आयोगका अध्यक्ष अहिले डा. विजय सुब्बा हुनुहुन्छ । पार्टीले दिएको समय सीमा भित्रे उहाँकै जिल्ला तेह्रथुममा अधिवेशन भएको छैन ।
उहाँ जस्ता उपल्ला तहका नेता भएको झण्डै एक दर्जन जिल्लाहरूमा तोकेको समय सीमा भित्र अधिवेशन हुन सकेका छैनन्
देशभरिका ६६ जिल्लामा अधिवेशन हुँदा निर्वाचन आयोगका अध्यक्ष डा.सुब्बाको जिल्लामा अधिवेशन भएन । एमालेका सवै तहको निर्वाचन गराउने जिम्मा पाउनु भएका उहाँको आफ्नै जिल्लामा अधिवेशन हुन नसक्नुलाई कतिपयले उहाँलाईसमेत दोष दिने गरेका छन् ।
यस्तै एमाले सचिव रघुविर महासेठ जिल्ला धनुषामा पनि अधिवेशन भएको छैन ।
अहिलेका युवा पुस्ता नेता सुहाङ नेम्बाङको जिल्ला इलाममा पनि समयमा नै जिल्ला अधिवेशन भएको छैन ।
युवा नेता अखिलका पूर्व अध्यक्ष ऐन महरकोपनि आफ्नो जिल्लामा अधिवेशन हुन सकेको छैन।
पार्टीको जनसम्पर्क समन्वय विभागका संयोजक भानुभक्त ढकालको आफ्नो जिल्ला मोरङमा पनि अधिवेशन भएको छैन । आफ्नो जिल्ला पनि निर्वाचन गराउन नसक्ने स्थायी कमिटी सदस्य ढकालले २२ जनवर्गिय सङ्गठन कसरी समन्वय गरिरहेका भनेर पार्टी केन्द्रीय कार्यालयमा प्रश्न उठ्न थालेको छ ।
सत्यनारायण मण्डल र सुमन प्याकुरेलेको गृह जिल्ला सप्तरीमा अधिवेशन हुन सकेको छैन । यसरी उच्च तहकै नेताको गृह जिल्लामा अधिवेशन हुन नसक्दा कार्यकर्ताहरूले प्रश्न उठाएका छन् ।
लीलानाथ श्रेष्ठको गृह जिल्ला सिराहामा पनि अधिवेशन हुन सकेको छैन । राम्रा कहलिएका नेता श्रेष्ठको आफ्नो गृह जिल्लामा अधिवेशन हुन नसक्दा प्रश्न उठेको छ । डोल्पाका इन्चार्ज प्रेमबहादुर सिंहको जिल्लामा पनि अधिवेशन हुन सकेको छैन । उहाँ पुराना नेता मानिनुहुन्छ । मनाङमा पनि जिल्ला अधिवेशन भएको छैन ।
एमाले केन्द्रीय सचिवालय बैठकले जेठ मसान्तसम्म निर्वाचन गराउन समय सीमा तोकिदिएको थियो अधिवेशन नगर्ने ती ११ जिल्लालाई कारबाही गर्ने भएको छ । ती जिल्लालाई आगामी कार्तिकभित्र अधिवेशन गर्न बैठकले निर्देशन दिएको छ । ती ११ वटा जिल्लाका कमिटीलाई सङ्गठन कमिटीमा रूपान्तरण गरिएको छ ।
प्रकाशित मिति : २७ असार २०८१, बिहिबार १२ : ३५ बजे
प्रतिक्रिया