काठमाडौँ। नेकपा (एमाले)ले समयमा नै अधिवेशन नगर्ने ११ जिल्ला कमिटिलाई कारबाही गरेको छ ।
आज पार्टी केन्द्रीय कार्यालयमा बसेको सचिवालय बैठकले जेठ मसान्तभित्र अधिवेशन नगर्ने ११ जिल्ला कमिटीलाई कारबाही गरिएको उपमहासचिव प्रदीप ज्ञवालीले जानकारी दिनुभयो ।
कारबाही स्वरूप ती ११ वटा जिल्लाका कमिटीलाई सगठित कमिटीको रूपमा रूपान्तरण गरिएको हाे ।
इलाम, मोरङ, तेह्रथुम, सप्तरी, सिराहा, धनुषा, मनाङ, डोल्पा, डोटी, अछाम र बझाङ जिल्ला कमिटिलाई संगठित किमिटिमा रूपान्तरण गरिएको एमालेले जनाएकाे छ ।
अहिलेसम्म एमालेका ६६ जिल्लाका अधिवेशन सम्पन्न भइसकेका छन् ।
बाँकि ११ जिल्लाको अधिवेशन पनि आगामी कात्तिक महिनाभित्र सम्पन्न गर्न सचिवालय बैठकले निर्देशन दिएको छ ।
सचिवालय बैठकले सहकारी तथा गरिबी निवारण विभागको सचिवमा परितोष पौडेल र भूमि व्यवस्था विभागमा विजय सुवेदीलाई सचिव तोक्ने निर्णयसमेत गरेको छ ।
प्रकाशित मिति : २६ असार २०८१, बुधबार ३ : ०६ बजे
प्रतिक्रिया