कपिलवस्तु । कपिलवस्तुमा माेरसाइकल दुर्घटना हुँदा चालकाे मृत्यु भएकाे छ भने मोटरसाइकलमा सवार १ जना घाइते भएका छन् ।
शिवराज नगरपालिका-९ बानियाभार स्थित सडकमा लु.४३ प ७१२९ नम्बरको मोटरसाइकल अनियन्त्रित भई बुधबार दिउँसो दुर्घटना हुँदा सोही नगरपालिका-१ बनकट्टा बस्ने २३ वर्षीय सन्तोष बिकको मृत्यु भएको हाे ।
दुर्घटनामा गम्भीर घाइते भएका बिकको जिल्ला अस्पताल तौलिहवामा उपचारको क्रममा मृत्यु भएको प्रहरीको भनाई छ । साथै दुर्घटनामा घाइते भएका मोटरसाइकलमा सवार १ जनाको लुम्बिनी प्रादेशिक अस्पताल बुटवल रूपन्देहीमा उपचार भइरहेको छ ।
दुर्घटनाका सम्बन्धमा प्रहरीले थप अनुसन्धान गरिरहेको छ ।
प्रकाशित मिति : २० असार २०८१, बिहिबार १२ : ४५ बजे
प्रतिक्रिया