काठमाडौं । प्रहरी नायव महानिरीक्षक पोषराज पोखरेल प्रहरी अतिरिक्त महानिरीक्षक (एआइजी) पदमा बढुवाका लागि सिफारिस हुनुभएको छ ।
गृह मन्त्रालयले रिक्त रहेको अतिरिक्त महानिरीक्षक पदमा पोखरेललाई बढुवाका लागि सिफारिस गरेको हो । सोमबार बसेको बढुवा समितिको बैठकले निर्णय गरेको प्रहरी महानिरीक्षक एवं बढुवा समितिका सदस्य-सचिव बसन्तबहादुर कुँवरले जानकारी गराउनुभएको छ ।
प्रहरी नियमावली, २०७१ (संशोधन सहित)को नियम २७ को उप-नियम (४) अनुसार पोखरेललाई सिफारिस गरिएको गृह मन्त्रालयले जनाएको छ ।
प्रकाशित मिति : १० असार २०८१, सोमबार ९ : २६ बजे
प्रतिक्रिया