काठमाडौं । उपत्यका अपराधअनुसन्धान महाशखाले बिभिन्न सहकारीको रकमअपचन गरि फरार रहेका अभियुक्तलाइ सार्बजनिक गरेको छ। महाशाखाले आइतबार राजधानीमापत्रकार सम्मेलन गरि नाम सार्बजनिक गरेको हो ।
पक्राउ पर्नेहरुमा कृषि विकास बहुउद्देश्यीय सहकारी संस्थाका सजना राजकर्णिकार , तेज बिक्रम थापा , सन्जय सापकोटा, भिमसेन महर्जन रहेका छ्न् ।
अपराध अनुसन्धान महाशाखाले जिल्ला प्रहरि परिसर ललितपुरको सहयोगमा पक्राउ गरेको पत्रकार सम्मेलनमा जानकारी दियो ।
ललितपुरको कुमारीपाटीस्थित कृषि बिकास बहुउद्धेष्य सहकारी संस्थाले बचतकर्ताको ९४ करोड २३ लाख ४२ हजार रुपैयाँ ठगी गरेको प्रहरीले जनाएको छ ।
सो सहकारीको संञ्चालक तेजबिक्रम थापा र सजना राजकर्णिकार श्रीमान श्रीमती रहेको अनुस्धानबाट खुलेको प्रहरीले जनाएको छ ।
थापा २०५६ सालदेखि संस्थाको चिफ अकाउन्टेन्ट र संस्थापक सदस्य रहेको, २०६० देखि संस्थाको कार्यकारी अध्यक्ष रहेको, २०६६ सालदेखि समिट अस्पताल लोकन्थलीको अध्यक्ष रहेको र २०७० देखि अन्नपूर्ण किसान फिड एण्ड फर्टिलाइजेसन उद्योगको अध्यक्ष रहेको पत्रकार सम्मेलनमा जानकारी दिइयो ।
यस्तै थापामाथि जिल्ला प्रहरी परिसर काठमाडौंमा २६ लाख ६६ हजार ६६६ मा बैंकिङ कसुर मुद्दाहरू रहेका छन् । तेजविक्रम थापाले राज ठकुरीको नाममा बनाएको गोर्खा टिभीको परिचय पत्र बरामद भएको प्रहरीले जनाएको छ।
प्रकाशित मिति : २ असार २०८१, आइतबार २ : ३६ बजे
प्रतिक्रिया