सर्वोच्च अदालतको पूर्ण बैठक आज बस्दै

काठमाडौं । सर्वोच्च अदालतको  पूर्ण बैठक आज बस्दै छ।  प्रधानन्यायाधीश चोलेन्द्रशमशेर जबराले  सर्वोच्च अदालतको पूर्ण बैठक बोलाउनुभएको हो ।  पूर्ण बैठकमा संवैधानिक इजलास गठनसम्बन्धी नियमावली संशोधनको विषय प्रवेश पाउने अपेक्षा गरिएको छ ।

पछिल्लो पटक प्रधानन्यायाधीश चोलेन्द्र शमशेर जबरा र सर्वोच्च अदालत बार एशोसिशनका पदाधिकारीबीच संवैधानिक इजलास सञ्चालनसम्बन्धी नियमावली संशोधन लगायतबारे  सहमति भएको थियो । सुंवैधानिक इजलास गठनपछि विवाद भएपछि हालै वरिष्ठतम न्यायाधीश रहनेगरि नियमावली संशोधनमा सहमति भएको थियो । उक्त सहमति अनुसार नियमावली संशोधनको प्रंक्रिया पूर्ण बैठक (फूलकोर्ट) बाट अघि बढ्नेछ ।
 

प्रकाशित मिति : २१ जेष्ठ २०७८, शुक्रबार  ६ : ५६ बजे