काठमाडौँ । सत्तारुढ दल नेपाल कम्युनिष्ट पार्टी(एमाले)को स्थायी कमिटी बैठक आज बस्ने भएको छ ।
बुधवारका लागि पनि तय गरिएको एमाले स्थायी कमिटी बैठक गृहकार्य नपुगेको भन्दै आज ४ बजेका लागि सारिएको थियो ।
प्रधानमन्त्री निवास बालुवाटारमा आज अपराह्न ४ः०० बजे बस्ने बैठकमा पार्टीको केही असन्तुष्ट नेताहरुसँगको छलफल तथा त्यसको प्रगति र समसामयिक राजनीतिक अन्य विषयमा छलफल हुने बताइएको छ ।
नेता झलनाथ खनाल तथा माधवकुमार नेपाल पक्षको केन्द्रीय कमिटी बैठक अहिले केही बेरमा भर्चुअल माध्यमबाट बस्दै छ ।
प्रकाशित मिति : २० जेष्ठ २०७८, बिहिबार ११ : २६ बजे
प्रतिक्रिया