काठमाडौँ – नेपालमा थप ६ हजार ९५१ जनामा कोरोनाभाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालय अनुसार गत २४ घण्टामा देशभर गरिएका २० हजार ११० जनाको परीक्षण गर्दा पीसीआर विधिबाट ६९५५ र एन्टिजेनविधिबाट ९६ जनामा संक्रमण पुष्टि भएको हो । हाल देशभर सक्रिय संक्रमितहरुको संख्या १ लाख १३ हजार ३९४ रहेको छ ।
यस्तै गत २४ घन्टामा ९ हजार ८४१ जना कोरोना संक्रमित उपचार पश्चात निको भई घर फर्केका छन् ।
आज उपत्यका भित्र रहेको काठमाण्डौ जिल्लामा १७ सय ९६ जना, ललितपुरमा ३१५ जना र भक्तपुरमा २१३ जना संक्रमित थपिएका छन् ।
गत २४ घन्टामा थप ९६ जनाले ज्यान गुमाएका छन् । योसँगै नेपालमा कोरोना संक्रमणकै कारण ज्यान गुमाउनेहरुको संख्या ७ हजार ४७ पुगेको छ ।
प्रकाशित मिति : १४ जेष्ठ २०७८, शुक्रबार ४ : २६ बजे
प्रतिक्रिया