जनकपुरधाम । कान्तिपुर मिडिया ग्रुपका अध्यक्ष कैलाश सिरोहियालाई साधारण तारेखमा छोड्नु पर्ने माग राख्दै जनकपुरधामका मेयर मनोज कुमार साहले अदालतमा धर्ना दिएका छन् ।
जिल्ला अदालत धनुषा अगाडि मेयर साहले केही समर्थक लिएर धर्ना सुरु गरेका हुन् । सिरोहियालाई साधारण तारेखमा राखेर छाड्नुपर्ने मेयर साहको माग छ
उनले राज्यले जनकपुरधाम र मधेशसँग विभेद गरिरहेको आरोप पनि लगाए । उनले राज्यले विभेदपूर्ण सिरोहियामाथि ढंगले चलाएको मुद्दा खारेज गर्नुपर्ने माग पनि गरे ।
नागरिकता कीर्ते सम्बन्धी कसुरमा पक्राउ परेका सिरोहियालाई अदालतले प्रहरीलाई अनुसन्धान गर्न तीन दिनको म्याद दिएको थियो । आज पुनः म्याद थप्न प्रहरीले उनलाई अदालत ल्याएको छ । सिरोहियामाथि किर्ते नागरिकताको कसुरसम्बन्धी आरोप छ ।
प्रकाशित मिति : ११ जेष्ठ २०८१, शुक्रबार ११ : ३५ बजे
प्रतिक्रिया