काठमाडौं । टी–२० सिरिजको लागि वेस्ट इन्डिजको क्रिकेट टिम नेपाल आइपुगेको छ ।
बुधबार रोस्टन चेजको कप्तानीमा सिनियर टोलीबाट खेलेका १२ खेलाडीसहित वेस्ट इन्डिज ए टोली नेपाल आइपुगेका हुन्।
दुई पटक एकदिवसीय र टी-२० विश्वकप विजेता वेस्ट इन्डिजले घरेलु टोली नेपालीसँग ५ टी–२० खेलको सिरिज खेल्नेछ । ५ वटै खेल कीर्तिपुरस्थित त्रिवि क्रिकेट मैदानमा हुनेछ ।
नेपाल र वेस्ट इन्डिज ‘ए’ बीचको पहिलो खेल वैशाख १५ गते शनिबार, दोस्रो खेल वैशाख १६ गते, तेस्रो खेल वैशाख १९ गते, चौथो खेल वैशाख २० गते र पाँचौं तथा अन्तिम खेल वैशाख २२ गते हुने कार्यतालिका छ ।
वेस्ट इन्डिज ‘ए’ सँगको यो शृङ्खला नेपालका लागि विश्वकपको तयारीका लागि निकै महत्वपूर्ण हुनेछ ।
वेस्ट इन्डिज ए क्रिकेट टोली:
रोस्टन चेस (कप्तान), एलिक एथानाजे (उपकप्तान), फबिएन एलेन, कदिम एलियन, जोसुवा विसोप, केसी कार्टी, जोनसन चार्ल्स, मार्क दयाल, आन्द्रे फ्लेचर, म्याथ्यु फर्ड, ओबेद म्याककोय, गुडाकेश मोती, किमो पल, ओसान थोमस र हायडेन वाल्स ।
प्रकाशित मिति : १२ बैशाख २०८१, बुधबार १२ : २७ बजे
प्रतिक्रिया