धनगढी । नागरिक उन्मुक्ति पार्टी (नाउपा) की अध्यक्ष रञ्जिता श्रेष्ठले सुदूरपश्चिम सरकारमा संलग्न रहेकी राज्यमन्त्री इन्दिरा गिरीलाई सांसदबाटै हटाउन सिफारिस गरिएको पत्र प्रदेश सभा सचिवालयमा दर्ता गरिएको छ ।
टीकापुर नगरपालिकाका नगर प्रमुख समेत रहेका अध्यक्ष रंजिता पक्षधर केन्द्रिय सदस्य रामलाल डगौरा थारुले पत्र दर्ता गराएका हुन् । थारुले सुरक्षाकर्मीले धनगढी विमास्थलदेधि प्रदेश सभा सचिवालयसम्म स्कर्टिग गरेर ल्याएको थियो । थारुले गिरिलाई निस्कासन गरेर अर्को सदस्य सिफारिसको तयारी भएको बताए ।
पार्टीको बैठकमा नआउने र पार्टीले सोधेको प्रश्नको जवाफ पनि नदिएकाले सांसदबाट हटाउने निर्णय गरिएको अध्यक्ष श्रेष्ठले जानकारी दिइन् । गिरी नाउपाकी समानुपातिक सांसद हुन् । सरकार धरापमा परेपछि सुदूरपश्चिमका मुख्यमन्त्री कमलबहादुर शाहले नाउपाकी गिरीलाई भूमिसुधार राज्यमन्त्रीको जिम्मेवारी दिएका थिए ।
नाउपा रेशम चौधरी र रञ्जिता श्रेष्ठको विवादका कारण फुटको संघारमा छ । यही विवादको एक अंशको रुपमा गिरीलाई सांसद पदबाटै हटाउन पत्र दर्ता गराएको हो ।
प्रकाशित मिति : २१ चैत्र २०८०, बुधबार ५ : ४५ बजे
प्रतिक्रिया