काठमाडौं । भारत भ्रमणमा रहेको नेपालले एसएमएस मैत्रीपूर्ण कपअन्तर्गत तेस्रो खेलमा आज गुजरातसँग खेल्दैछ ।
खेल दिउँसो पौने ३ बजे हुनेछ । नेपालले पहिलो खेलमा गुजरातलाई ८ विकेट र दोस्रो खेलमा बरोडालाई २७ रनले हराएको छ ।
नेपाल आजको खेलमा विजयी भएमा एक खेलअगावै फाइनलमा पुग्नेछ । नेपालले शुक्रबार अन्तिम खेल बरोडासँग खेल्नेछ । फाइनल खेल आइतबार हुनेछ ।
रोहित पौडेलको कप्तानीमा नेपाली टोली भारत भ्रमणमा छ ।
नेपालको टोलीमा आसिफ शेख, कुशल भुर्तेल, कुशल मल्ल, विवेक यादव, सन्दीप जोरा, अनिल शाह, गुलशन झा, दीपेन्द्रसिंह ऐरी, ललित राजवंशी, करण केसी, सोमपाल कामी, प्रतिश जि।सी, अभिनाश बोहरा र आकाश चन्द समावेश छन् ।
प्रकाशित मिति : २१ चैत्र २०८०, बुधबार ९ : ०९ बजे
प्रतिक्रिया