हात्तीको आक्रमणबाट श्रीमतीको मृत्यु, श्रीमानको अवस्था  गम्भीर 

झापा । जङ्गली हात्तीको आक्रमणबाट शिवसताक्षी नगरपालिका–११ निवासी ६० वर्षीय पवित्रा भेटवालको निधन भएको छ ।

हात्तीले कुल्चिएर लछारपछार पार्दा उनको मृत्यु भएको जिल्ला प्रहरी कार्यालय झापाले जानकारी दिएको छ । शिवसताक्षी–११ स्थित दूधेबाट उत्तर रतुवामाई वृक्षारोपण आयोजनाको बनमा श्रीमानसँग घाँस दाउरा गर्न गएकी भेटवाललाई करिब ५ः४५ बजे हात्तीले आक्रमण गरेको थियो ।

हात्तीको आक्रमणबाट उनका श्रीमान् ६२ वर्षीय दिलीप भेटवाल घाइते भएका छन् । उनको मुख, हात र शरीरको विभिन्न भागमा चोट लागेको बताइएको छ ।

गम्भीर अवस्थामा रहेका उनलाई उपचारको लागि बिर्तामोडको बिर्तासिटि अस्पताल ल्याइएको प्रहरीले जनाएको छ ।

प्रकाशित मिति : १५ चैत्र २०८०, बिहिबार  १२ : ५४ बजे