मोरङ । मोरङको बेलबारीमा श्रीमतीको हत्या गरेपछि श्रीमानले पनि आत्महत्या गरेका छन् । बेलबारी–१ का ५० वर्षीय बमबहादुर लिम्बुले ४५ बर्षीया श्रीमती गीता लिम्बुको मंगलबार राति हत्या गरेको मोरङ प्रहरीका प्रवक्ता डिएसपी रञ्जनकुमार दाहालले जानकारी दिए ।
प्रहरीका अनुसार घरायसी विवादका कारण बमबहादुरले धारिलो हतियार प्रहार गरी श्रीमतीको हत्या गरी आत्महत्या गरेको प्रारम्भिक अनुसन्धानबाट खुलेको छ । श्रीमतीको हत्या गरेपछि श्रीमाले बमबहादुरले धारिलो हतियारले आफ्नो घाँटी रेटेर आत्महत्या गरेको देखिएको छ ।
उनको उपचारका क्रममा विराटनगरस्थित नोबेल हस्पिटलमा मृत्यु भएको प्रहरीले जनाएको छ । घटनास्थलमा इलाका प्रहरी कार्यालय बेलबारीका प्रहरी निरीक्षकको नेतृत्वको टोलीले अनुसन्धान गरिरहेको छ ।
प्रकाशित मिति : ७ चैत्र २०८०, बुधबार ९ : ४० बजे
प्रतिक्रिया