अनुसन्धान गर्न पूर्वउपराष्ट्रपतिका छोरा दिपेशलाई रुपन्देही लगियो

काठमाडौँ – काठमाडौँबाट पक्राउ परेका पूर्वउपराष्ट्रपति नन्द किशोर पुनका छोरा दीपेश पुनलाई भैरहवा लगिएको छ । 

आज पक्राउ परेका पुनलाई साँझ जहाजमार्फत भैरहवा पठाएकोछ । रुपन्देहीमा सहकारी ठगीसम्बन्धी मुद्दामा उनीविरुद्ध यसअघि नै पक्राउ पुर्जी जारी भएकाले प्रहरीले उनलाई भैरहवा पाठाएको हो । 

रुपन्देहीको सुप्रिम सहकारीले सर्वसाधारणको ९६ करोड रुपैयाँ बचत फिर्ता गर्न सकेको छैन । बचत फिर्ता नपाएका पीडितले दिपेशविरुद्ध पनि उजुरी दिएका थिए र उनीविरुद्ध पक्राउ पुर्जी जारी भएको थियो ।

सुन तस्करीसम्बन्धी जाँचबुझ आयोगले पनि पुनलाई कारबाही गर्न सिफारिस गरेको थियो । तर अहिले भने उनलाई सहकारी ठगीमा अनुसन्धानका लागि रुपन्देही लगिएको प्रहरी स्रोतले जनाएको छ ।

प्रकाशित मिति : २ चैत्र २०८०, शुक्रबार  ९ : ५५ बजे