काठमाडौं । प्रहरी प्रभाग बलम्बुमा गोली चल्दा दुईजना घाइते हुनुभएको छ ।
बलम्बु प्रभागका इन्चार्ज प्रहरी निरीक्षक सुरेन्द्र श्रेष्ठले गोली चलाउँदा २ जना घाइते हुनुभएको हो ।
डीयूटीबाट फर्किएपछि पेस्तोल हतियार भण्डारणमा बुझाउने क्रममा गोलि ननिस्किएपछि प्रहरी निरीक्षक श्रेष्ठले पड्काउनुभएको थियो ।
श्रेष्ठले चलाएको गोली लागेर उहाँकै बडीगार्ड हवल्दार घाइते हुनुभएको हो । बडीगार्डको खुट्टामा गोली लागेको छ। यस्तै प्रहरी कार्यालयमै रहका सर्वसाधारणलाई पनि सामान्य चोट लागेको छ।
दुवै जनालाई उपचारका लागि सशस्त्र प्रहरी अस्पताल बलम्बुमा लगिएको छ। दुवैजनाको अवस्था खतरामुक्त रहेको छ । घटनापछि इन्चार्ज श्रेष्ठलाई नियन्त्रणमा लिइएको छ ।
श्रेष्ठलाई जिम्मेवारीबाट हटाएर अनुसन्धान थालिएको हो ।
प्रकाशित मिति : ६ फाल्गुन २०८०, आइतबार ८ : ०८ बजे
प्रतिक्रिया