काठमाडौँ । क्यानडासँगको तीन एक दिवसीय क्रिकेट सिरिजअन्तर्गत नेपालले पहिलो विकेट गुमाएको छ । ४.५ ओभरमा भुर्तेल आउट हुँदा नेपालले ४५ रन जोडेको छ । भुर्तेलले १४ बलको सामना गर्दै १३ रन जोडेर आउट भएका हुन् ।
क्यानडाका डिलेन हेलियरले भुर्तेललाई आउट गराएका हुन् । ओपनरद्वय भुर्तेल र अनिल साहको जोडिले नेपाललाई विस्फोटक सुरुवात दिलाएका थिए । भुर्तेल आउट भएसँगै भीम सार्की मैदानमा आएका छन् ।
जितका लागि क्यानडाले नेपाललाई २३३ रनको लक्ष्य दिएको छ । निर्धारित ५० ओभरको खेलमा ८ विकेटको क्षतिमा क्यानडाले २३२ रन बनाएसँगै नेपालले २३३ रनको विजयी लक्ष्य पाएको हो ।
प्रकाशित मिति : २९ माघ २०८०, सोमबार २ : ११ बजे
प्रतिक्रिया