काठमाडौं । बाजुराको स्वामीकार्तिक खापर गाउँपालिकाकी उपाध्यक्ष मैना जोशीको निधन भएको छ ।
उपाध्यक्ष जोशीको ५० वर्षको उमेरमा आज बिहान करिब ४ बजे आफ्नै घरमा निधन भएको हो ।
२०७४ सालमा उहाँको पाठेघरको क्यान्सरको अपरेसन भएको थियो । गत भदौमा बिरामी हुनुभएको उहाँको सुरुमा किड्नीमा क्यान्सर देखिएको थियो । किड्नीको शल्यक्रिया गरे पनि क्यान्सरको संक्रमण अन्य अंगमा फैलिएका कारण उनको उपचार सम्भव नभएको गाउँपालिका अध्यक्ष भरत रोकायाले बताउनुभयो ।
स्वामीकार्तिक खापर गाउँपालिका–४ वाइ निवासी जोशी २०७९ सालको स्थानीय निर्वाचनमा नेपाली कांग्रेसको तर्फबाट गाउँपालिकाको उपाध्यक्ष पदमा निर्वाचित हुनुभएको थियो ।
मृतक जोशीको परिवारमा जोशीका श्रीमान्, दुई छोरी र दुई छोरा छन् ।
प्रकाशित मिति : ४ माघ २०८०, बिहिबार ११ : ४६ बजे
प्रतिक्रिया