काठमाडौं – सरकारले भिजिट भिसालाई थप सहजीकरण र व्यवस्थित गर्ने भएको छ।
बिहीबार गृहमन्त्रालयमा भएको सर्वपक्षीय छलफलमा भिजिट भिसालाई सहज र व्यवस्थित बनाउने नीति अवलम्बन गर्न सहमति जुटेको हो।
बैठकमा गृहमन्त्री नारायणकाजी श्रेष्ठ, श्रममन्त्री शरतसिंह भण्डारी र विभिन्न मन्त्रालयका सचिवहरूबीच भएको छलफलले भिजिट भिसामा विदेश प्रस्थानको विद्यमान अवस्थालाई पुनर्विचार गर्ने विषयमा सहमति जुटाएको छ ।
भिजिट भिसाको विषयमा प्रधानमन्त्री पुष्पकमल दाहालको निर्देशन बमोजिम नयाँ निर्णय गरिने गृह मन्त्रालयले जनाएको छ। बैठकले प्राप्त सुझावसहित आवश्यक प्रस्तावको तयारी गर्न अध्यागमन विभागलाई निर्देशन समेत दिएको छ।
प्रकाशित मिति : २६ पुस २०८०, बिहिबार ९ : २३ बजे
प्रतिक्रिया