काठमाडौं । पर्सा प्रहरीले सोमबार राति करिब चार हजार चल्लालाई जलाएर नष्ट गरेको छ ।
भारतबाट तस्करी भएको भन्दै ब्रोइलर र कोइलर जातको कुखुराका जिउँदा चल्लालाई पर्सा प्रहरीले जलाएर नष्ट गरेको हो ।
सोमबार राति जिउँदै जलाइएको भारतीय ब्रोइलर कुखुराको चल्ला पर्साबाट बरामद गरिएको थियो ।
गत राति दुई बजेको समयमा वीरगन्ज महानगरपालिका २१ डकैला बहुअरीबाट ३ हजार ८ सय चल्ला नियन्त्रणमा लिइएको पर्साका प्रहरी नायब उपरीक्षक कुमारविक्रम थापाले बताए ।
‘भारतबाट बीआर ०५ डी ९७२५,बीआर ०५ क्यु ३२६५ नम्बरको मोटरसाइकलमा ल्याउँदै गरेको अवस्थामा प्रहरीले ३ हजार ८ सय भारतीय कुखुराको चल्ला बरामद गरेको चल्लालाई पशु क्वारेन्टाइन चेक पोस्ट सिर्सियामार्फत वीरगन्ज–१९ तिलावे खोलाको बगरमा लगी नष्ट गरिएको हो’, उनले विज्ञप्तिमा जनाएका छन् ।
प्रकाशित मिति : २४ पुस २०८०, मंगलबार ४ : २४ बजे
प्रतिक्रिया