अनौठो रेस्टुरेन्ट,जहाँ एकल पुरुषको प्रवेशमा निषेध छ

काठमाडौँ । तपाईँ पनि रेस्टुरेन्ट वा होटेल आदिमा खाना खान जाँदै हुनुहुन्छ। सामान्यतया, होटल वा रेस्टुरेन्टमा कसैको लागि कुनै प्रतिबन्ध छैन, तर संसारमा केही रेस्टुरेन्ट र क्याफेहरू छन् जहाँ मानिसहरूका लागि केही विशेष नियमहरू बनाइएको छ।

के तपाईँले कुनै रेस्टुरेन्टको बारेमा सुन्नुभएको छ जहाँ एकल पुरुषहरूलाई जान अनुमति छैन ? तर जापानको टोकियोमा एउटा यस्तो रेस्टुरेन्ट छ, जहाँ पुरुष एक्लै आएमा प्रवेश दिइने छैन र महिला लिएर आएमा प्रवेश पाउनेछन् । यो अनौठो रेस्टुरेन्ट आजकाल निकै चर्चामा छ ।

यस रेष्टुरेन्टको नाम ‘नेगेटिभ क्याफे एण्ड बार’ हो । यो टोकियोको शिमोकिताजावा भन्ने क्षेत्रमा अवस्थित छ। फोर्ब्सको रिपोर्ट अनुसार यो रेस्टुरेन्ट सन् २०२० मा कोरोना महामारीपछि खोलिएको हो ।

अचम्मको कुरा के छ भने यस रेष्टुरेन्टका मालिक डिप्रेशनबाट ग्रसित छन् र नकारात्मक सोच भएका मानिस पनि यहाँ आउन सक्छन् भन्ने सोचका साथ उनले यो रेष्टुरेन्ट सुरु गरेका छन्, किनकि उनीहरूका लागि पनि यस्तो विशेष ठाउँ हुनुपर्छ ।

रिपोर्टका अनुसार रेस्टुरेन्ट मालिक भन्छन्, ‘नेगेटिभ मानिस दयालु स्वभावका हुन्छन्। त्यसैले उनीहरूका लागि कम्फर्ट जोन बनाएको छु । चाखलाग्दो कुरा यो हो कि यदि तपाईँ चाहनुहुन्छ भने, तपाईँ बाहिरबाट खाना ल्याएर रेस्टुरेन्ट भित्र खान सक्नुहुन्छ। यसको लागि कुनै प्रतिबन्ध छैन, तर त्यहाँ एक सर्त छ। तपाईँले पक्कै पनि यहाँबाट केही पेय अर्डर गर्नुपर्नेछ, त्यसपछि मात्र तपाईँ यहाँ बस्न सक्नुहुन्छ र त्यस पेयको मूल्य ३०० येन  हुनुपर्छ।

प्रकाशित मिति : २३ पुस २०८०, सोमबार  ३ : ३१ बजे