बाँके। बाँकेमा हाइसको ठक्करबाट साइकल यात्रीको मृत्यु भएको छ ।
बिहीबार साँझ साढे ६ बजे तिर हाइस गाडीले ठक्कर दिँदा हुलाकी राजमार्ग अन्तर्गत राप्तीसोनारी गाउँपालिका वडा नम्बर ४ धामपुरमा साइकल यात्री राप्तीसोनारी -४ बुद्धचोक निवासी ४५ वर्षीय मंगरु थारुको मृत्यु भएको प्रहरीले जनाएको छ ।
थारुलाई दाङबाट नेपालगन्जतर्फ आउँदै गरेको भे१ख ४१३६ नम्बरको हाइस गाडीले ठक्कर दिएको थियो । विपरीत दिशाबाट आइरहेका साइकल यात्री थारुलाई हाइस गाडीले ठक्कर दिँदा टाउकोमा गम्भीर चोट लागेकोमा नेपालगन्ज मेडिकल कलेज शिक्षण अस्पताल नेपालगन्जमा उपचारका क्रममा मृत्यु भएको इलाका प्रहरी कार्यालय धामपुरले जनाएको छ ।
दुर्घटनापछि फरार रहेका चालकलाई नियन्त्रणमा लिइएको प्रहरीले जनाएको छ ।
प्रकाशित मिति : २० पुस २०८०, शुक्रबार १० : २९ बजे
प्रतिक्रिया