काठमाडौं । काठमाडौं महानगरपालिकाले विभिन्न चाडबाडका नाममा विद्यार्थीलाई फरक पोशाक किन्न बाध्य नपार्न आग्रह गरेको छ ।
निजी विद्यालयहरुले 'क्रिसमस डे' का दिन अनिवार्य ‘इसाई पहिरन’ लगाउन उर्दी जारेपछि महानगरले यस्तो आग्रह गरेको हो ।
अभिभावकबाट गुनासो आएको भन्दै काठमाडौं महानगरपालिकाले विद्यालयलाई सचेतसमेत गराएको छ ।
विद्यालयले विद्यार्थीलाई सेतो दाह्री र रातो टोपीलगायत सान्टाको पहिरन किन्न लगाउने गरेका छन् । महानगरले परिपत्रविपरीत कार्य गरेको पाइएमा विद्यालयहरुलाई कारबाही गर्ने चेतावनी पनि दिएको छ ।
प्रकाशित मिति : ६ पुस २०८०, शुक्रबार १२ : ४३ बजे
प्रतिक्रिया