काठमाडौँ । यूएईमा जारी यू-१९ एसिया कप अन्तर्गत अफगानिस्तानले नेपाललाई २६२ रनको लक्ष्य दिएको छ ।
आइसिसी एकेडेमी ओभल २ मैदानमा टस हारेर पहिले ब्याटिङको निम्तो पाएको अफगानिस्तानले ४९.३ ओभरमा सबै विकेटको क्षतिमा दुई सय ६१ रन बनायो ।
अफगाािस्तानका लागि जस्मित जर्दानले अविजित एक सय ६ रनको सतकीय पारी खेले । उनले एक सय ५२ बलमा आठ चौकाको मद्धतमा उक्त रन बनाए । यस्तै, नुमन शाहले ६०, रहिमुल्लाह जु्रमतिले ३५, वाफिल्लुहा ताराकहिलले १५, खलेल अहमदले १३ र खलिद तानिवालले १० रन बनाए ।
बलिङमा नेपालका हेमन्त धामी, सुवास भण्डारी र गुलशन झाले दुई–दुई विकेट लिए । आकाश चन्द र दीपक कंडेलले एक–एक विकेट गिराए । नेपाललाई सेमिफाइनल यात्रा जिवित राख्न आज अफगानिस्तानलाई हराउनुपर्ने चुनौति छ ।
नेपाल समूहको पहिलो खेलमा पाकिस्तानसँग सात विकेटले परिाजित भएको थियो । यता अफगानिस्तानलाई पनि अगाडि बढ्न नेपाललाई रोक्नुपर्ने चुनौती छ । अफगानिस्तान पनि आफ्नो पहिलो खेलमा भारतसँग सात विकेटले नै पराजित भएको थियो ।
नेपालले समूहको तेस्रो तथा अन्तिम खेल २६ गते भारतसँग खेल्नेछ । समूहका शीर्ष दुई टोलीले सेमिफाइनलमा स्थान बनाउनेछन् ।
प्रकाशित मिति : २४ मंसिर २०८०, आइतबार ४ : १७ बजे
प्रतिक्रिया