धनगढी । कैलालीमा कुटपिटबाट एक जना युवकको मृत्यु भएको छ ।
कुटपिटबाट घोडाघोडी नगरपालिका वडा नम्बर २ का मोहन अधिकारीको मृत्यु भएको जिल्ला प्रहरी कार्यालय कैलालीले जनाएको छ । कुटपिटबाट गम्भीर घाइते अधिकारीको उपचारका लागी टिकापुर अस्पतालमा पुर्याए लगत्तै मृत्यु भएको बताइएको छ । बेहोस अवस्था भेटिएका उनलाई उपचारका लागी लालरत्न अस्पताल पुर्याएको थियो ।
लम्कीचुहा नगरपालिका ९ घोराघाटका डिल्ली कोईरालाको विवाहमा गएका उनीमाथि कुटपिट भएको प्रहरीको भनाई छ । प्रहरीले कुटपिट घटनामा संलग्न रहेको आशङ्कामा लम्किचुहा नगरपालिका ९ का १४ जनालाई नियन्त्रणमा लिएको छ । उनीहरू सबैलाई इलाका प्रहरी कार्यालय लम्कीमा राखिएको र थप अनुसन्धान भइरहेको प्रहरीले जनाएको छ ।
प्रकाशित मिति : १३ मंसिर २०८०, बुधबार १ : २२ बजे
प्रतिक्रिया