सप्तरी । सप्तरीबाट प्रहरीले ३५ वर्षीया महिलालाई बलात्कार गरेको अभियोगमा शुक्रबार एक जना मेयर पदका प्रत्याशीलाई पक्राउ गरेको छ । पक्राउ पर्नेमा शम्भुनाथ नगरपालिका ५ मोहनपुरका ४९ वर्षीय दिपेन्द्रकुमार चौधरी रहेका छन् ।
घरमै सञ्चालन गरेको पीडितको पसलमा मङ्सिर ३ गते आरोपितले बलात्कार प्रयास गरेको भन्दै पीडितले मङ्सिर ७ गते उजुरी दिनु भएको थियो ।
जिल्ला प्रहरी कार्यालयमा मङ्सिर ७ गते उजुरी दर्ता गर्दै आरोपितलाई गिरफ्तार गरिएको डिएसपी ढुण्डीराज न्यौपानेले बताउनु भयो ।
पीडितको राजविराजस्थित गजेन्द्रनारायण सिंह अस्पतालमा मङ्सिर ७ गते स्वास्थ्य परीक्षण भएको छ ।
पक्राउ परेका चौधरीलाई जबर्जस्ती करणी प्रयासको मुद्दामा पाँच दिनको म्याद थप गरी अन्य अनुसन्धान सुरु गरिएको डिएसपी न्यौपानेले जानकारी दिनुभयो ।
चौधरी २०७८ वैशाख ३० गते भएको निर्वाचनमा नेपाली काँग्रेसबाट मेयरको उम्मेदवार भई ४१४३ मत प्राप्त गर्दै निकटतम प्रतिस्पर्धी भएका थिए ।
प्रकाशित मिति : ९ मंसिर २०८०, शनिबार १० : ३७ बजे
प्रतिक्रिया