सुनको मूल्यमा नयाँ कीर्तिमान

राष्ट्रिय युवा संघ र दुर्गा प्रसाईंको प्रदर्शन माइतीघरमा गर्न नपाइने

काठमाडौं। नेकपा (एमाले) को भ्रातृ संगठन युवा संघ नेपाल र विवादित मेडिकल व्यवसायी दुर्गा प्रसाईंले यही मंसिर सात गते काठमाडौंमा गर्न लागेको प्रदर्शन माइतीघर मण्डलमा गर्न नपाइने भएको छ ।

जिल्ला प्रशासन कार्यालय काठमाडौंले माइतीघरमा प्रदर्शन गर्न नदिने निर्णय गरेको हो । दुवै पक्षलाई छुट्टाछुट्टै स्थान तोकिदिने जिल्ला प्रशासन कार्यालय काठमाडौंकाे तयारी छ ।

दुवै पक्षलाई एकै स्थानमा प्रदर्शन गर्न दिँदा झडप समेत हुन सक्ने भन्दै सुरक्षा निकायले चिन्ता प्रकट गरिरहेको छ ।

युवा संघ नेपालले सरकार र अराजकतावादीविरुद्ध युवा विद्यार्थीको शक्ति प्रदर्शन र प्रसाईंले बैँककाे ऋण मिनाहा, राष्ट्र, राष्ट्रियता, धर्म, संस्कृति र नागरिक बचाउ अभियान भन्दै माइतीघरमै कार्यक्रम गर्ने तयारी गरेका छन्।

प्रकाशित मिति : ४ मंसिर २०८०, सोमबार  १ : ५९ बजे