मुगुमा सामूहिक हत्या

काठमाडौं । मुगुमा एकै परिवारका चार जनाको हत्या प्रकरणमा प्रहरीले एकजनालाई पक्राउ गरेको छ ।

प्रहरीले घटनाको १३ दिनपछि हत्यारालाई पक्राउ गरेको हो । पक्राउ पर्नेमा मुगु छायानाथ रारा नगरपालिका घर भई हाल कोहलपुर बस्ने ३० वर्षीय गोरखबहादुर शाही रहेका छन् । उनी मृतकका आफन्त नै पर्छन ।

हत्याको कारणबारे खुल्न बाँकी रहेको र अनुसन्धान भइरहेको बताइएको छ ।

गत कात्तिक १० गते छायानाथ रारा नगरपालिका-६ मुन्दुकी २८ वर्षीया श्रीदेवी बोहोरा, उनका ११ वर्षका छोरा मनोज, सात वर्षकी छोरी अप्सरा र ५ महिने अर्का छोरा रहरको घरमै हत्या भएको थियो ।

प्रकाशित मिति : २३ कार्तिक २०८०, बिहिबार  १० : १७ बजे