काठमाडौं । काठमाडौंमा जारी आईसीसी टी–२० विश्वकप एसिया क्षेत्र छनोटको फाइनल खेल अन्तर्गत समूह ‘ए’को अन्तिम खेलमा आज बिहीबार नेपाल र ओमानबीच प्रतिस्पर्धा हुँदैछ ।
त्रिवि क्रिकेट मैदानमा हुने खेल बिहान ९ बजेदेखि सुरु हुनेछ । जारी प्रतियोगितामा नेपालले सिंगापुरलाई ८ विकेट र मलेसियालाई ६ विकेटले हराएको थियो । ओमानले भने मलेसियालाई ३२ र सिंगापुरलाई २२ रनले हराएको थियो ।
समूह ‘ए’बाट नेपाल र ओमान दुबै टोली सेमिफाइनलमा पुगिसकेका छन् । आज हुने खेलले समूह ‘ए’को विजेता र उपविजेताको टुंगो लाग्ने छ ।
जारी प्रतियोगितामा फाइनल पुग्ने दुई टोलीले सन् २०२४ मा अमेरिका र वेस्ट इन्डिजमा हुने टी–२० विश्वकप खेल्न पाउने छ ।
प्रकाशित मिति : १६ कार्तिक २०८०, बिहिबार ७ : ०४ बजे
प्रतिक्रिया