काठमाडौँ –सहकर्मीमाथि पेट्रोल छर्केर आगो लगाएर भागेका एक जना पक्राउ परेका छन् ।
गएको सोमबार पर्साका शिवु भनिने २६ वर्षीय सुवास विकले ललितपुरको ग्वार्कोस्थित एसबी ह्यान्डग्राफीमा कार्यरत पर्साकै २४ वर्षीय अरुण विश्वकर्मामाथि पेट्रोल छर्केर आगो लगाएर फरार भएको प्रहरीले जनाएको छ ।
मंगलबार बिहान करिब साढे ९ बजे उनलाई प्रहरीले काठमाडौँको सुन्धाराबाट पक्राउ गरेको हो । दुवै जना ह्यान्डग्राफीमा कार्यरत कर्मचारी भएको महानगरीय अपराध महाशाखाले जनाएको छ ।
सुवासले पेट्रोल छर्केर आगो लगाउँदा अरुणसहित तीनजना घाइते भएका छन् । आगो सल्किएर सोही स्थानमा रहेका अरू दुई व्यक्ति समेत घाइते भएका प्रहरीले जनाएको छ ।
प्रहरीका अनुसार कीर्तिपुरस्थित बर्निङ अस्पतालमा घाइतेको उपचार भइरहेको छ । पक्राउ परेका सुवासलाई थप अनुसन्धान र कारबाहीका लागि प्रहरी वृत्त सातदोबाटो पठाइएको छ ।
प्रकाशित मिति : २५ आश्विन २०८०, बिहिबार १० : २७ बजे
प्रतिक्रिया